小夫妻 Overcooked 上次既《易潔鑊安全終極整合》分享左我地係易潔鑊/不沾鍋依個課題上既資料整合，雖然詳細程度達到正常人訓唔着覺都未必會睇晒既境界(自問係閱讀愛好者可以挑戰下)，但正正係經過詳細既了解，我地更相信市面上主流既PTFE塗層易潔鑊係有安全風險，係度簡單列幾點：
- PTFE既安全溫度極限係260°C，再高溫就會變質並開始釋出有毒氣體
- 用黎製作PTFE既化學物PFAS極難分解，因而被稱為「forever chemical」，可以長時間停留係人體同環境中
- 直至近期(2021年10月)美國國家環境保護局(EPA)先發表報告，將現時一種製造PTFE塗層會用到既PFAS既每日容忍量定為3納克/公斤，即係非常非常微量已經超標，而以現時既技術去檢測咁微量既PFAS係相當困難！
- PTFE易潔鑊面世幾十年，去到好近期，拜登政府先宣佈立法規管PFAS
- 咁香港呢？似乎只可以由自己既消費決定做起！
尋找理想易潔鑊不沾鍋
做依左個research，了解到當中既安全風險，我地就決定唔再用PTFE塗層既易潔鑊了。圖中係我地用左一年左右既易潔鑊，依家已經放左入房當標本咁收埋。買個陣售貨員話佢係「礦石塗層」，但做左research後，發現同好多市面既易潔鑊一樣，佢根本係PTFE塗層，而我地已經用到佢發黃發黑了！cry
咁點好？易潔鑊咁方便，無得用既話真係幾頭痕。我地係《安全整合》提過，近10幾年推出市面既陶瓷塗層不沾鍋其實係好好既替代品，佢物質構成同沙石一樣，無PTFE塗層既安全疑慮，所以我地就決定朝依個方向，想搵一隻乎合以下條件既陶瓷易潔鑊返黎。
材質
岩岩講過，陶瓷塗層係目前所知最能夠係使用上取代PTFE鍋，不沾力強，製造過程中亦無損害環境既PFAS產生。
鍋形及尺寸
我地希望第一隻鍋係一隻多用途既鑊，所以尺寸應該要較大，鍋口28/30cm就差唔多，亦係一隻較高身，易於翻動食物既鍋，希望煎炒煮炸蒸都可以派上用場。
廠房及產地
依點有幾重要相信唔洗多講，即使陶瓷塗層本身無安全風險，廠商既運作質素都會直接影響產品質素同安全性，所以我地會揀選有良好信譽既廠商去合作。
TLDR結論
經一番張羅同測試，我地已經搵到我地理想既陶瓷不沾鍋，第一款引入返香港售賣既係Lowenthal牛油果陶瓷不沾鍋，佢除左係用上令人用得安心既陶瓷塗層，仲非常輕身而且易用易潔。
我地自己用完好鍾意，介紹俾朋友用又好鍾意，到大量賣俾客人都係廣獲好評，可以去我地網店睇睇，有更詳細既使用分享！
其後我地繼續探索，搵到韓國Monacook可拆式手柄鍋套裝，佢賣點更多，例如層層疊既設計方便儲藏、方正鍋形令佢煮到更多食物、手柄有保護手腕既逆向安裝功能、用得明火爐電磁爐入得蒸爐焗爐、鍋蓋部件可完全拆開方便清洗… 係我地見過最強大既家用鍋具組合！
依篇文主要分享我地初時探索陶瓷塗層鍋既經驗，如果想睇多d Monacook既分享我地有另一篇開箱文。
樣板開箱分享
抱住research得返黎既了解同一段時間既廠商搜查，我地成功聯絡上3間廠商，拎左一d佢地既樣板返黎。
頭2間既sample就係度喇，又要勞煩開箱大使墨硯姐出黎驗收
Sample就係度喇！（錯focus）
首先係廠商1既陶瓷塗層不沾鍋，鍋身太重但又唔夠深，而膠手柄既質地觸感亦唔太良好
hmmmmm，唔係好得
廠商2既依個sample係令我地心動過的，樣子清雅簡約，手柄觸感唔錯
所以依個鍋係進入左我地既第二個評選階段既真實試用
不過用落發現依種鍋身用起上黎唔夠乾脆俐落，一黎太高身，用鑊鏟唔就手，二黎鍋底同鍋身個角度稜角太大，翻動食物都有d困難
加上同廠商2係溝通上面有d困難，態度有少少kick，okok，咁唔麻煩你啦lol
廠商2搭單寄多幾個「礦物鍋」俾我地，其實即係PTFE鍋無誤，好意心領了 m(_ _)m
頭2間廠商都因為上述原因不作考慮了，而第3間廠商亦寄左兩款陶瓷塗層鍋俾我地。
黑色個個質量好唔錯，不過就因為設計有d太old school，所以我地都無再諗，反而係墨硯姐都有興趣既綠色鍋我地覺得幾好。
造型成隻牛油果咁好得意，拎上手又好輕巧，第一印象唔錯，下一篇同大家介紹多少少同埋試用佢黎煮下野！
下一篇就係度：
開箱+試用+介紹：Lowenthal牛油果陶瓷不沾鍋28cm Unbox and Trial Use Lowenthal Avocado Wok
而賣左28cm一段時間，超受歡迎，所以我地就入埋24cm平底鍋返黎：
牛油果鍋第2員 24cm平底鍋開箱 Unboxing Avocado 24cm Sauté Pan
_____________________________________________________
我地做完易潔鑊安全既詳細調查後，得出既結論係我地會棄用市面上一般PTFE塗層易潔鑊，然後自己搵隻陶瓷不沾鑊返黎做我地既daily wok。而經一番張羅同測試後，Lowenthal牛油果陶瓷不沾鍋就係被我地選中既鍋喇！而用落左都覺得依隻鍋好好用，賣左一輪亦廣獲好評，可以係我地既網店買到！
其後我地繼續探索，搵到韓國Monacook可拆式手柄鍋套裝，佢賣點更多，例如層層疊既設計方便儲藏、方正鍋形令佢煮到更多食物、手柄有保護手腕既逆向安裝功能、用得明火爐電磁爐入得蒸爐焗爐、鍋蓋部件可完全拆開方便清洗… 係我地見過最強大既家用鍋具組合！
易潔鑊係咪真係安全？下文就係經過我地詳細考究既結果！
易潔鑊真係安全嗎？小夫妻Overcooked易潔鑊安全終極整合
_____________________________________________________
Facebook: 小夫妻Overcooked
IG: couple_overcooked
Pinterest: coupleovercooked
Contact Us
