小夫妻 Overcooked 我地用左Vermicular至今已經2年，用之前本身都係覺得佢只係另一款唔同樣既鑄鐵鍋/平底鍋，但細心了解之後發現佢都有唔少值得欣賞既細節，結果用下用下我地就好鍾意佢。
今次既文章就係想毫無保留地將我地既Vermicular使用經驗同所以既野都整合係一篇文章入面！
Vermicular琺瑯鑄鐵鍋終極整合
Vermicular品牌背景
Vermicular產自日本愛知縣，出廚具既歷史比較新，2010年先發佈第一款鑄鐵鍋，但公司既前身土方鑄造所，成立於1936年，本身係做重型機械油壓臂，係一間以技術精準見稱既機械鑄造廠。後來因為重工業市場萎縮，土方鑄造所既後人就帶住家傳既鑄造技術創立左Vermicular。
Vermicular琺瑯鑄鐵鍋設計理念
日本物產豐饒，自古以黎日本人都不斷鑽研點樣以最能夠帶出食材本身美味既單純調理方法去處理時令既食材。承繼住依種精神，Vermicular鑄鐵鍋係整個研發過程都係思考點樣可以對食材唔施加多餘壓力，單憑細火慢煮，去突出食材鮮味。整個鍋既設計細節上都有好多地方朝向依個設計理念。
Vermicular琺瑯鑄鐵鍋設計細節
Vermicular思考過點樣可以令鑄鐵鍋更好咁應用唔同傳熱方式去帶出食物鮮味：
傳導—鍋底既坑紋係用黎托起食材，減少鍋底金屬同食材接觸，減少熱傳導帶俾食物過多熱力
對流—鍋體鍋蓋打造至0.01mm極度氣密，冚蓋後真係郁佢都感覺唔到虛位，咁可以更有效鎖住蒸氣，保留食物水份，依個係我地覺得Vermicular手工出色既展現。而蓋上亦有集水釘，都係可以減少烹調時既水份流失
遠紅外線—Vermicular表示佢地鑄鐵鍋有三層琺瑯塗層，加熱後可以有效咁發出遠紅外線，令食物結構受較少破壞，鮮味更突出之餘，亦更能夠保持食物營養。小夫妻才疏，都要上網搵多d資料先可以嘗試介紹到依點，簡單黎講就係遠紅外線穿透力強，亦較接近食物有機粒子既共鳴頻率，可以極快速令成舊食物裏裏外外都加熱起黎，唔洗等熱力慢慢由外傳導到內，所以食材可以更均勻受熱，整體既口感同味道都更一致
Vermicular琺瑯鑄鐵鍋同Le Creuset分別
Le Creuset同Vermicular都係俾到我地額外樂趣既廚具品牌，我地享受使用Le Creuset，因為佢色彩繽紛，為餐桌增添上唔少生氣，而可以選擇既產品類型非常廣泛，每次去行鋪都會發現到d新野，總有辦法用佢既產品去滿足我地既煮食需求。
如果Le Creuset係要將高質既鑄鐵鍋透過豐富既顏色將收藏廚具既快樂帶俾客人；Vermicular就專注係鑄鐵鍋既造工，令佢成為功能性更強既煮食神器。係使用兩個品牌鑄鐵鍋既時候，我地唔多唔少都感受到背後咁樣既設計理念，好有趣味！
我地都寫過一篇有關Le Creuset同Vermicular比較既超詳細經驗分享，有興趣可以睇睇！
使用Vermicular琺瑯鑄鐵鍋好處
要煮無水蒸既菜式基本上都要用到鑄鐵鍋，而無水蒸最正既係整出黎既食物因為可以保留更多食物既水份，食起上黎質感會更飽滿，亦會更鮮味。我地第一次食無水蒸腐乳雞翼時個種香濃又juicy既味道，真係令人相當難忘!
Vermicular琺瑯鑄鐵鍋既設計就可以令無水蒸菜式更好食。當中佢創造既細節，例如圓鍋既0.01mm氣密性、集水釘、鍋面坑紋設計等等，都係可以令食物既美味更進一步既技術，依點係我地最讚嘆既地方。
- 極致氣密—鍋蓋冚起後，同鍋體只相距0.01mm，係Vermicular品牌經常引以為傲既職人技術體現，依個特點令個鍋既氣密性增強，保溫同鎖水能力更出色
- 集水釘—鍋蓋有集水釘，蒸氣會凝結並依附係上面，然後滴返落鍋，依個設計可以減少排出既蒸氣，增強鎖水性能
- 鍋底坑紋—經過Vermicular測試後發現，咁既結構令煮出黎既無水料理會更甜美甘醇
仲有佢既所配搭既配件精美，每次用鍋都好似用藝術品去煮食咁，依個亦係我地享受用佢既地方。
Vermicular琺瑯鑄鐵鍋使用需知
Vermicular琺瑯鑄鐵鍋產品亦非常容易上手，使用時注意以外事項即可
所有易潔鑊受熱時塗層都會變得無室溫時咁堅硬，所以煮食時建議只用矽膠鑊鏟，亦避免炒有骨/ 硬殼等食物
- 清洗時可以使用海綿/布，避免用鋼絲刷或百潔布
- 避免長時間大火空燒
- 煮完野食唔好即時浸凍水，可以：
- 等個鍋攤凍先洗
- 個鍋熱既話，倒入熱水浸一浸佢再用凍水洗
Couple Overcooked使用Vermicular琺瑯鑄鐵鍋經驗
過往文章
我地又入坑了 Vermicular 2款鑄鐵鍋開箱連簡單試用 Unboxing Vermicular Pot and Pan
Vermicular琺瑯鑄鐵平底鍋20cm 28cm及圓鍋Sukiyaki版開箱 Unboxing New Vermicular Items
2個品牌鑄鐵鍋經驗分享 Le Creuset & Vermicular Sharing
Vermicular食譜分享
小夫妻無水蒸深入解說連食譜整合 Waterless Steaming Comprehensive Explain with 5 Recipes
好食到不得了 金醬無水蒸魚 Unbelievably Tasty Waterless Steamed Fish
無水料理法 極濃蕃茄薯仔魚湯 Waterless Processed Ultra Thick Fish Stock with Potatoes and Tomatoes
簡易家常辣酒花螺 Easy Sea Snails in Spicy Wine
簡易日式千層白菜豬肉鍋 Mille Feuille Hot Pot Easy Version
鑄鐵鍋炊飯好食秘訣 Secret of Making Perfect Rice by Cast Iron Pot
暖笠笠 鑄鐵鍋乾炒牛河 Amazing Cast Iron Pan Fried Rice Noodles with Beef
簡易煎牛扒5成熟時間步驟 Sear a Medium Steak After Work
常見問題 FAQ
點解我應該要買一個Vermicular琺瑯鑄鐵鍋？
Vermicular係專注係鑄鐵鍋既造工，令佢成為功能性更強既煮食神器，尤其如果你未試過無水蒸依種煮食技法，Vermicular會係一個好好既鍋為你開啟無水蒸旅程！
應該點樣保養Vermicular琺瑯鑄鐵圓鍋及琺瑯鑄鐵平底鍋？
平時清潔，用普通洗潔精及海綿就可以輕鬆清洗。
但係如果煎肉或將醬汁加熱變濃，有時會留下焦痕，如果痕漬頑固，就要用到梳打粉協助清潔。
如果仲有頑固污漬，落d梳打粉，加熱水，開細火煲一陣，再重覆用防刮百潔布清潔，就可以清理晒所有污跡了
靚返晒
Vermicular可以用於電磁爐嗎？
可以，Vermicular平底鍋同圓鍋都適用於明火，電磁爐，電陶爐，而圓鍋甚至可以成個放入焗爐，焗麵包都得！
鑄鐵鍋新手應購買咩尺寸大小？
新手買琺瑯鑄鐵鍋，我地會建議22cm圓鍋，因為好多種類既菜式都應付到，甚至要2-4個人煲雞湯，容量都可以應付，又唔會有26cm咁重咁大，所以入門黎講22cm圓鍋係唔錯既選擇！
Vermicular評價係點？
「開始不用調味料了」「開始在家吃飯了」「孩子開始吃椰菜花」「真想和你一起享用」
日本Vermicular官方每日都會收到用家對Vermicular既評價，而係香港，我地自2021年年初開始成為香港Vermicular總代理授權經銷商 (authorized dealer)並發售Vermicular產品後，我地都會不時收到客人既好評，好開心可以係過程中同客人建立友誼，交流廚藝心得！
對Vermicular有興趣？歡迎到我地既商店睇睇！
________________________________________________
Facebook: 小夫妻Overcooked
IG: couple_overcooked
Contact Us